सर्लाही, १;फागुन । सर्लाहीको गोडैता नगरपालिकामा २ करोड ८० लाखको लागतमा विधालय भवन निर्माण हुने भएको छ ।
गोडैता नगरपालिका वडा नं १२ मधुवनीमा रहेको बैधनाथ माध्यमीक विधालयमा १६ कोठे पक्की भवन निर्माण कार्य अघि बढाउन सोमवार गोडैता नगर प्रमुख देवेन्द्र यादवले शिलान्यास गर्नुभएको छ ।
विधालय भवन निर्माण गर्न बजेट ३ करोड भएपनि गएको पुष २१ गते विधालय भवनको ठेक्का २ करोड ८० लाखमा जय भवानी निर्माण सेवा,मलंगवाले लिएको गोडैता नगरपालिकाले जनाएको छ ।
बैधनाथ माध्यमीक विधालयमा यस अघि विधालय भवनको अभावमा छात्र तथा छात्राहरुलाई समस्या भैरहेको थियो, समस्याको समाधान गर्नु आफनो दायित्व भएको नगर प्रमुख यादवको भनाई थियो ।
नगर प्रमुख यादवले आफु जहिले पनि नगरवासीको सेवामा अगाडी बढने प्रतिबद्धता समेत व्यक्त गरे ।
