नेपाल रेडक्रस सोसाइटी चन्द्रनगर उपशाखाको निर्वाचन सम्पन्न
सर्लाही । नेपाल रेडक्रस सोसाइटी चन्द्रनगर उपशाखाको कार्य समितिको निर्वाचनसम्पन्न भएको छ। निर्वाचनमा सभापति, सचिव, उपसचिव, कोषाध्यक्ष, उपकोषाध्यक्ष, महिला सदस्य, र अन्य पदका लागि उम्मेदवारहरूको प्रतिस्पर्धा रहेको छ ।
नेपाली कांग्रेस, नेकपा माओवादी र लोसपा गठबन्धन बाट सभापति पदमा सरोजकुमार सिंह, सचिवमा विक्रम प्रसाद सिंह, उप सचिवमा दीपेन्द्र कुमार राय, कोषाध्यक्षमा विमल देवी मेहता, उप कोषाध्यक्ष मा मनसूर अहमद, महिला सदस्यमा लालपरी देवी पण्डित, खुल्ला सदस्य मा शिवशंकर ठाकुर, अतहर आलम, दरोगा पासवानको उम्मेदवारी परेको थियो भने स्वतन्त्रबाट सभापतिका लागि सुनील कुमार महतो, सचिव पदका लागि मनोज कुमार राय, कोषाध्यक्ष पदमा केशव साह,महिला सदस्यतर्फ अनारकली पासवान लगायत अन्य पदमा पनि उम्मेदवारी परेको थियो । निर्वाचन शान्तिपूर्ण वातावरणमा सम्पन्न भएको र पदाधिकारी चयनको नतिजा छिट्टै सार्वजनिक गरिने निर्वाचन अधिकृतले बताउनुभएको छ ।
