सर्लाहीमा ६८ औँ सहकारी दिवस मनाइएको छ । जिल्लाका मलंगवा ,हरिवन, ईश्वरपुर, हरिपुरमा “मर्यादित सहकारी: समुन्नत समाज” भन्ने नाराका साथ ६८ औँ राष्ट्रिय सहकारी दिवस मनाइएको हो ।
जिल्ला बचत तथा ऋण सहकारी संघ सर्लाहीको आयोजनामा सदरमुकाम मलंगवामा रहेको महेन्द्र होटलको सभाहलमा भव्य समारोहबीच दिवस मनाइएको छ।
६८ औँ राष्ट्रिय सहकारी दिवस कार्यक्रममा मधेस प्रदेशका श्रम रोजगार तथा यातायात मन्त्री कौशल किशोर राय, प्रमुख जिल्ला अधिकारी तुलशी बहादुर श्रेष्ठ, राष्ट्रिय सहकारी बैंकको लघुवित तथा उधम समितिको केन्द्रीय सदस्य तथा सहकारी विज्ञ भरत साह,जिल्ला बचत तथा ऋण सहकारी संघ सर्लाहीका अध्यक्ष नागेन्द्र चौधरी लगायत विभिन्न व्यक्तिहरुको उपस्थिति रहेको थियो ।
६८ औँ राष्ट्रिय सहकारी दिवसको अवसरमा ईश्वरपुरको बयलबासमा ३ जिरो कल्वमा आबद्ध युवा युवतीले सरसफाइ समेत गरेको छ ।
त्यस्तै हरिपुर नगरपालिकाले नगरपालिका अन्तर्गतका सहकारी संस्थाहरु तथा सरोकारवालहरुका बीच कार्यक्रम गरि भव्यरुपमा यो दिवस मनाएको हो ।
यसैगरी कबिलासी नगरपालिकाको उपप्रमुख पुनम कर्णको अध्यक्षता तथा चमेलि बचत तथा ऋण सहकारी लि .का प्रमुख कार्यकारी अधिकृत /सहकारी विज्ञ भरत साहको प्रमुख आतिथ्यमा दिवस मनाइएको हो ।
नगरपालिकामा ६७ वटा सहकारी दर्ता रहेकोमा जम्मा ३१ वटा मात्र सन्चालनमा रहेको नगरपालिकाले जनाएको छ ।
